Қонун ва суд олдидаги

Қонун ва суд олдидаги
тенглик

Ўзбекистон Республикасининг барча фуқаролари жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий мавқеидан қатъи назар, қонун ва суд олдида тенгдир. Корхоналар, муассасалар ва ташкилотлар ҳам қонун ва суд олдида тенгдир.

Суд ҳужжатларининг

Суд ҳужжатларининг
мажбурийлиги

Суд ҳужжатлари барча давлат органлари, жамоат бирлашмалари, корхоналар, муассасалар ва ташкилотлар, мансабдор шахслар, фуқаролар учун мажбурийдир ҳамда Ўзбекистон Республикасининг бутун ҳудудида ижро этилиши шарт.

Суд ҳокимиятининг

Суд ҳокимиятининг
мустақиллиги

Судьялар мустақилдирлар, фақат қонунга бўйсунадилар. Судьяларнинг одил судловни амалга ошириш борасидаги фаолиятига бирон-бир тарзда аралашишга йўл қўйилмайди ва бундай аралашув қонунга мувофиқ жавобгарликка сабаб бўлади. Ўзбекистон Республикасида суд ҳокимияти қонун чиқарувчи ва ижро этувчи ҳокимиятлардан, сиёсий партиялардан, бошқа жамоат бирлашмаларидан мустақил ҳолда иш юритади.

Электрон почта манзил:

j.namangan@sud.uz

Фуқаролар қабулхонаси:

(+998 69) 227-81-10

Манзил:

Наманган шаҳар, Н.Намангоний кўча, 10 уй

Интерактив хизматлар

Статистик маълумотлар

Статистик маълумотлар

Ўзбекистон Республикаси Олий Судининг республика судлари фаолиятига доир статистик маълумотлар базаси

Ўтиш
Cуд қарорлари тўплами

Cуд қарорлари тўплами

Судлар бўйича барча якуний суд қарорларини тўлиқ ёки шахссизлантирилган матнда ушбу ҳавола орқали билиб олинг.

Ўтиш
Давлат божи калькулятори

Давлат божи калькулятори

Бу хизмат тури судларга мурожаат қилишда тўланиши лозим бўлган давлат божи миқдорини аниқлашда яқиндан ёрдам беради.

Ўтиш
image
image
image
image
image
image

Электрон суд хизматлари

MY.SUD.UZ - суд хизматларидан фойдаланишнинг инновацион, ишончли ва қулай йўли

Мурожаат

Судга тўғридан - тўғри электрон шаклда мурожаат йўллаш.

Электрон тўлов тизими

Барча судларда фуқаролар томонидан амалга ошириладиган барча тўловларни тўлашнинг ягона электрон тизими.

Видеоконференц алоқа

Масофадан туриб суд мажлисида иштрок етиш

Мажлислар жадвали

Суд мажлислари жадвали билан танишиш – судларда ишларни суд мажлисида кўриб чиқишга тайинланган санаси ва вақти ҳақида онлайн тарзда хабардор бўлиб бориш имконини беради.

Давлат божи калькулятори

Бу хизмат тури судларга мурожаат қилишда тўланиши лозим бўлган давлат божи миқдорини аниқлашда яқиндан ёрдам беради.

Мурожаат намуналари

Фуқаролар судларга мурожаат қилишда ҳужжатларнинг тайёр намуналаридан мутлақо бепул фойдаланиш имконияти

image

MY.SUD.UZ

Ўзбекистон Республикаси Олий судининг интерактив хизматлари портали

ўтиш

Сўнгги янгиликлар

16Dek Янгиликлар

ЭЪЗОЗ ВА ЭҲТИРОМ УЧРАШУВИ

Бугун мамлакатимизда меҳнат фахрийларини эъзозлаш, уларга эътибор кўрсатиш эзгу анъанага айланди. Бунда эса давлатимиз раҳбари таъкидлаганидек, “Инсон қадри учун, инсон бахти учун биргаликда ҳаракат қилиш” мақсади мужассам. Ўзбекистон Республикаси Олий суди ҳамда Судьялар олий кенгаши, Наманган вилояти суди томонидан ҳам яхши ташаббусга қўл урилиб, узоқ йиллар суд тизимида самарали фаолият олиб борган фахрийларнинг ҳаёти ва фаолияти акс этган маънавий-маърифий тадбирлар, учрашувлар ўтказилмоқда.

Янгиқўрғон туманидаги 27-сонли умумтаълим мактабида бўлиб ўтган ана шундай “Уч авлод учрашуви” таълим муассасасининг собиқ ўқувчиси, суд фахрийси Ғозихон Яхёхўжаевнинг ибратли ҳаёт йўлига бағишланди.

Учрашувда нуронийлар, суд ва прокуратура фахрийлари, туман раҳбарлари, судьялар ва ёшлар иштирок этдилар.

Тадбирнинг асосий қисмида сўзга чиққан суд, прокуратура фахрийлари, судьялар Ғозихон Яхёхўжаевнинг шонли ҳаёт йўли, ибратли фаолияти ҳақида сўзлаб бердилар. Устознинг бой тажрибаси барча судьялар учун ибрат мактаби, умр йўли эса ёшларга чин ҳавас эканлигини алоҳида таъкидладилар.

Юзма-юз мулоқотда йигит-қизлар мактабнинг собиқ ўқувчисига ўзларини қизиқтирган саволлар билан мурожаат қилдилар. Уларнинг саволларига ҳаётий мисоллар, амалиётда учрайдиган воқеа-ходисалар билан жавоб қайтарилгани ёшларни суд тизимига, судьяликка бўлган қизиқишини оширди.

Учрашувда мактаб жамоаси, ўқитувчи ва ўқувчиларга Олий суд, Судьялар олий кенгаши, вилоят суди томонидан ташаккурнома ва эсдалик совғалари топширилди.

Шу куни Судьялар олий кенгаши томонидан таълим муассасасига Ғозихон Яхёхўжаевнинг меҳнат фаолияти акс этган махсус пешлавҳа тақдим этилди. Бу судьялар ҳамжамиятининг мазкур умумтаълим мактабига ҳурмат ва эҳтиром рамзи бўлиб, ушбу даргоҳдан яна кўплаб эл ардоғидаги инсонлар етишиб чиқишига билдирилган ишонч ҳам ҳисобланади.

Тадбир доирасида меҳмонлар синф хонасида бўлиб, бу ерда собиқ ўқувчининг устозлари ва синфдошлари билан суҳбатлашдилар. Самимий мулоқотларда болалик чоғлари, мактаб даврлари эсга олинди.

Шу куни меҳмонлар мактаб ҳовлисига манзарали дарахт кўчатлари экиб, таълим муассасаси ободончилигига ўз ҳиссаларини ҳам қўшдилар.

6Dek Янгиликлар

ХОТИН-ҚИЗЛАР ҲУҚУҚИ ДАВЛАТ ҲИМОЯСИДА

Наманган вилояти суди, оила ва хотин-қизлар бошқармаси ҳамда бошқа дахлдор идоралар ҳамкорлигида хотин-қизлар ҳуқуқларини ҳимоя қилиш, уларни тазйиқ ва зўравонликдан асраш масалаларига бағишланган семинар ташкил этилди.

“Хотин-қизларга нисбатан зўравонликка барҳам бериш халқаро куни” муносабати билан ўтказилган тадбирда Наманган вилояти суди раисининг ўринбосари Абдуносир Игамбердиев, Наманган вилояти ҳокими ўринбосари, вилоят оила ва хотин-қизлар бошқармаси бошлиғи Динара Якубова, прокуратура, ички ишлар, адлия идоралари, “Адолат” социал-демократик партияси масъуллари ва судьялар иштирок этдилар.

Семинарда дастлаб хотин-қизлар ҳуқуқларини ҳимоя қилиш, уларга нисбатан рақамли зўравонликка барҳам бериш масалаларига тўхталиб ўтилди. Бу борада сўз олган вилоят ҳокимининг ўринбосари Динара Якубова маҳаллаларда айни турдаги ҳуқуқбузарликларга қарши курашиш, оилада соғлом маънавий муҳитни яратиш бўйича олиб борилаётган ишлар ҳақида маълумот берди. Ҳамкорликда амалга ошириш лозим бўлган вазифаларга тўхталди. Судьялар, прокуратура, ички ишлар идоралари масъуллари айни йўналишдаги жиноятчилик ва ҳуқуқбузарликлар таҳлили ҳақида гапириб, бу турдаги жиноятлар учун жазо чораларини кучайтириш орқали иллатга қарши жазо муқаррарлиги таъминланаётганини таъкидладилар.

Семинарнинг иккинчи қисмида шахсни ғайриихтиёрий тартибда психиатрия стационарига ҳамда сил касаллигига қарши кураш муассасасининг ихтисослаштирилган бўлимига ётқизиш ёки унинг ушбу муассасаларда ётиш муддатини узайтириш билан боғлиқ фуқаролик ишларини кўриш, бу борада дахлдор идоралар билан амалга оширилиши лозим бўлган муҳим вазифаларга тўхталиб ўтилди.

Дастлаб мавзу юзасидан сўз олган судьялар ушбу йўналишдаги қонунчилик нормалари ва талаблари ҳақида гапириб, амалиётдаги тартибларни тушунтириб ўтдилар. Шундан сўнг, мазкур тоифадаги ишларни кўриб чиқиш амалиётига тўхталиниб, бу бўйича дахлдор идораларнинг таклифлари, фикр-мулоҳазалари эшитилди. Семинарда сўз олган прокуратура, ички ишлар идоралари масъуллари, “Адолат” социал-демократик партияси вакиллари сўнгги вақтларда руҳий носоғлом шахслар томонидан содир этилаётган жиноятлар ҳақида гапириб, бу жамиятга хавф туғдириб бораётганини таъкидладилар. Шу боис ҳам бугунги кўтарилаётган мавзу ва айни турдаги ишларни кўришда ҳамкорликни йўлга қўйиш долзарб аҳамиятга эга эканлиги айтилди.

Якунда ҳар бир мавзу юзасидан амалга оширилиши зарур бўлган чора-тадбирлар, вазифалар белгилаб олиниб, ҳамкорликни кучайтириш бўйича келишиб олинди.

19Noy Янгиликлар

ЎЗАРО ТАЖРИБА АЛМАШИЛДИ

Наманган вилояти судларида фаолият олиб борувчи ахборот коммуникация технологиялари мутахассислари ҳамда судья ёрдамчилари  IT Park Наманган вилояти филиалида бўлиб, ўзаро тажриба алмашдилар.

Бугун Президентимиз томонидан барча соҳаларни рақамлаштириш, давлат бошқаруви, иқтисодиёт тармоқлари ва ҳудудларда сунъий интеллект технологияларини жадал жорий этиш масаласига алоҳида эътибор қаратилмоқда. Хусусан, давлатимиз раҳбарининг “Судлар фаолиятига сунъий интеллект технологияларини жорий этиш орқали одил судловга эришиш даражасини ошириш ҳамда суд тизимининг моддий-техник таъминотини яхшилашга доир қўшимча чора-тадбирлар тўғрисида”ги Фармони ҳам “Рақамли суд” концепциясини кенг жорий этишда муҳим аҳамият касб этди.

АйТи-паркда бўлган суд ходимлари дастлаб бу ердаги шарт-шароитлар, Ай-Ти компанияларининг фаолияти билан яқиндан танишдилар. Шундан сўнг, соҳа мутахассислари иштирокида мулоқот ташкил этилди. Унда сунъий интеллект ва рақамли технологиялар, уларнинг ривожланиши, бугунги кунда кенг татбиқ этилаётган йўналишлар ҳақида маълумот берилди. Суд ходимлари томонидан билдирилган фикр-мулоҳазалар ва саволлар уларнинг ушбу соҳадаги билимларини бойитишга хизмат қилди.  

10Noy Янгиликлар

ҲАМКОРЛИКДАГИ АМАЛИЁТ

Наманган вилояти судида Мажбурий ижро бюроси ҳамда Ички ишлар идоралари масъуллари иштирокида семинар ўтказилди.

Дастлаб семинарда суд ҳужжатлари ижросини ўз вақтида таъминлаш, бу йўналишдаги ишлар самарадорлигини ошириш борасидаги вазифаларга тўхталиб ўтилди. Хусусан, жиноят, фуқаролик ва иқтисодий ишлар бўйича судлар томонидан жорий йилнинг ўтган даврида Мажбурий ижро бюроларига юборилган ижро ҳужжатлари, уларнинг ижроси, шунингдек, ижро ҳужжатларининг қайтарилиш ҳолатлари юзасидан батафсил таҳлиллар ўтказилди. Шу билан бирга, Мажбурий ижро бюроларига келиб тушган ижро ҳужжатларининг ижроси ва ҳозирги ҳолати муҳокама қилиниб, ушбу жараённи янада такомиллаштириш бўйича аниқ таклиф ва тавсиялар илгари сурилди.

Шунингдек семинарда “Айбига иқрорлик бўйича келишув” ва “Оилавий зўравонлик ҳамда шаҳвоний шилқимлик қилиш билан боғлиқ жиноятлар, маъмурий ҳуқуқбузарликларнинг олдини олиш” мавзуларида суд амалиёти ва қонунчиликни қўллашдаги масалалар тўғрисида ҳам сўз юритилди. Бу бўйича сўз олган судьялар ва ички ишлар идоралари ҳодимлари амалиётда учраётган айрим камчиликларни бартараф этиш юзасидан фикр-мулоҳаза алмашдилар.

Семинар якунида муҳокама қилинган масалалар юзасидан суд, Мажбурий ижро бюроси ҳамда Ички ишлар идоралари ўртасидаги ўзаро ҳамкорликни мустаҳкамлаш, ижро интизомини кучайтириш ҳамда қонун устуворлигини таъминлаш бўйича муҳим вазифалар белгилаб олинди.

А.МИРЗАЕВ,

Наманган вилояти суди раиси ўринбосари

27Okt Янгиликлар

ҲАМКОРЛИК

Наманган вилояти суди ташаббуси билан “Фуқароларнинг ҳуқуқлари ва қонуний манфаатларини самарали ҳимоя қилишни таъминлашда суд ва нотариатнинг ҳамкорлиги” мавзусида давра суҳбати ўтказилди.

Судьялар, нотариал идора вакиллари иштирок этган тадбирда фуқаро ва тадбиркорларнинг қонуний манфаатларини ҳимоя қилишда суд ва нотариат ҳамкорлигини янги босқичга олиб чиқиш, бу жараёнда очиқлик, шаффофлик, самарадорликни таъминлаш, шунингдек соҳани рақамлаштириш борасида амалга оширилиши лозим бўлган муҳим вазифаларга тўхталиб ўтилди.

Хусусан, судьялар томонидан суд амалиётида учраётган муаммолар таҳлил қилиниб, нотариуслар фаолиятида йўл қўйилаётган камчиликлар тушунтирилди.

Давра суҳбатида шунингдек, нотариал ҳаракатларга оид низоларни судгача ва судда ҳал этилишида ўзаро ҳамкорликнинг долзарб масалалари, мавжуд муаммолар ва уларни бартараф этиш йўллари борасида ҳам сўз юритилди.

Фикр-мулоҳазалар, савол-жавобларга бой ўтган мулоқот якунида ҳамкорликда амалга оширилиши лозим бўлган муҳим вазифалар белгилаб олинди.

image
Skip to content