Qonun va sud oldidagi

Qonun va sud oldidagi
tenglik

O‘zbekiston Respublikasining barcha fuqarolari jinsi, irqi, millati, tili, dini, ijtimoiy kelib chiqishi, e’tiqodi, shaxsiy va ijtimoiy mavqeidan qat’i nazar, qonun va sud oldida tengdir. Korxonalar, muassasalar va tashkilotlar ham qonun va sud oldida tengdir.

Sud hujjatlarining

Sud hujjatlarining
majburiyligi

Sud hujjatlari barcha davlat organlari, jamoat birlashmalari, korxonalar, muassasalar va tashkilotlar, mansabdor shaxslar, fuqarolar uchun majburiydir hamda O‘zbekiston Respublikasining butun hududida ijro etilishi shart.

Sud hokimiyatining

Sud hokimiyatining
mustaqilligi

Sudyalar mustaqildirlar, faqat qonunga bo‘ysunadilar. Sudyalarning odil sudlovni amalga oshirish borasidagi faoliyatiga biron-bir tarzda aralashishga yo‘l qo‘yilmaydi va bunday aralashuv qonunga muvofiq javobgarlikka sabab bo‘ladi. O‘zbekiston Respublikasida sud hokimiyati qonun chiqaruvchi va ijro etuvchi hokimiyatlardan, siyosiy partiyalardan, boshqa jamoat birlashmalaridan mustaqil holda ish yuritadi.

Elektron pochta manzil:

j.namangan@sud.uz

Fuqarolar qabulxonasi:

(+998 69) 227-81-10

Manzil:

Наманган шаҳар, Н.Намангоний кўча, 10 уй

Interaktiv xizmatlar

Statistik ma’lumotlar

Statistik ma’lumotlar

O‘zbekiston Respublikasi Oliy Sudining respublika sudlari faoliyatiga doir statistik ma’lumotlar bazasi

O'tish
Sud qarorlari to‘plami

Sud qarorlari to‘plami

Sudlar bo‘yicha barcha yakuniy sud qarorlarini to‘liq yoki shaxssizlantirilgan matnda ushbu havola orqali bilib oling.

O'tish
Davlat boji kalkulyatori

Davlat boji kalkulyatori

Bu xizmat turi sudlarga murojaat qilishda to‘lanishi lozim bo‘lgan davlat boji miqdorini aniqlashda yaqindan yordam beradi.

O'tish
image
image
image
image
image
image

Elektron sud xizmatlari

MY.SUD.UZ - sud xizmatlaridan foydalanishning innovasion, ishonchli va qulay yo‘li

Murojaat

Sudga to‘g‘ridan - to‘g‘ri elektron shaklda murojaat yo‘llash.

Elektron to‘lov tizimi

Barcha sudlarda fuqarolar tomonidan amalga oshiriladigan barcha to‘lovlarni to‘lashning yagona elektron tizimi.

Videokonferens aloqa

Masofadan turib sud majlisida ishtrok etish

Majlislar jadvali

Sud majlislari jadvali bilan tanishish – sudlarda ishlarni sud majlisida ko‘rib chiqishga tayinlangan sanasi va vaqti haqida onlayn tarzda xabardor bo‘lib borish imkonini beradi.

Davlat boji kalkulyatori

Bu xizmat turi sudlarga murojaat qilishda to‘lanishi lozim bo‘lgan davlat boji miqdorini aniqlashda yaqindan yordam beradi.

Murojaat namunalari

Fuqarolar sudlarga murojaat qilishda hujjatlarning tayyor namunalaridan mutlaqo bepul foydalanish imkoniyati

image

MY.SUD.UZ

O‘zbekiston Respublikasi Oliy sudining interaktiv xizmatlari portali

O‘TISH

So‘nggi yangiliklar

8May Yangiliklar

FAXRIYLARGA EHTIROM

Yurtimizda qay bir sohada bo‘lmasin faxriylarni e’zozlash, ularga ehtirom ko‘rsatish ezgu qadriyatga aylangan. 9 may – Xotira va qadrlash kuni arafasida mazkur an’ana yanada keng quloch yozadi. Sana munosabati bilan Namangan viloyati sudi tomonidan o‘tkazilgan ma’naviy-ma’rifiy tadbir ham uzoq yillar el-u yurtga xizmat qilgan nuroniylar va sud faxriylarini birlashtirdi.

Chortoq tumanidagi so‘lim maskanda bo‘lib o‘tgan tadbirda “Nuroniy” jamg‘armasi viloyat kengashi raisi, senator Ikromxon Najmiddinov, mehnat faxriysi Botirali Hakimov, sud faxriylari va sudyalar ishtirok etdilar. Mehmonlar dastlab “Koroskon tarixiy muzeyi”ni aylanib, bu yerdagi tarixiy eksponatlar, o‘tmishdan so‘zlovchi osori-atiqalar, ko‘hna kitoblar bilan tanishdilar. Tadbirning asosiy qismini Namangan viloyati sudi raisi Alisher Usmanov ochib, barcha faxriylarni 9 may – Xotira va qadrlash kuni bilan muborakbod etdi. Shu yerda bayramga munosib tuhfa sifatida Namangan viloyatida sudlar tarixiga bag‘ishlab yozilgan “Moziyga bir nazar…” nomli kitob-albom taqdimoti ham o‘tkazildi. Viloyat sudi raisi mazkur kitob haqida gapirib, unda keltirilgan tarixiy manbalar va shaxslarning sud tizimidagi o‘rni va ahamiyatiga alohida to‘xtaldi.

Tadbirda so‘z olgan faxriylar keyingi yillarda mamlakatimizda sud idoralari hamda sudyalarga qaratilayotgan e’tibor xususida gapirib, mazkur jarayonlarda ayniqsa, tizimda ko‘p yillar mehnat qilgan faxriylarni qo‘llab-quvvatlash borasida ijobiy ishlar olib borilayotganini ta’kidladilar. Ushbu fikrlar tasdig‘ini odil sudlovni amalga oshirishda uzoq yillar samarali mehnat qilgan sudyalar uchun “Sud faxriysi” ko‘krak nishoni joriy etilganida ham ko‘rish mumkin. Xotira va qadrlash kuni bayrami arafasida ana shunday soha fidoyilari Mahmudjon Qurbonov hamda Fayzulla Jalilov “Sud faxriysi” ko‘krak nishoni bilan taqdirlandilar. Taqdirlash marosimi Chortoq tumanida o‘tkazilishining ham o‘ziga xos ramziy ma’nosi bor. Zero, bundan 43 yil muqaddam Mahmudjon Qurbonov aynan shu tuman sudida faoliyat olib borib, odil sudlovni ta’minlashga o‘z hissasini qo‘shgan. Shu bois ham sud faxriysiga ko‘krak nishonini o‘sha vaqtda tuman rahbari bo‘lgan Botirali Hakimov topshirdi.

Tantanali tadbirda shuningdek, uzoq yillar sud tizimida samarali faoliyat olib borib, ko‘plab shogirdlar tarbiyalagan, ayni kunlarda qutlug‘ 50 yoshni qarshi olgan jinoyat ishlari bo‘yicha Chust tumani sudining arxiv mudiri Diloromxon Rahimovaga Oliy sud raisining faxriy yorlig‘i hamda viloyat sudi raisining tabriknomalari topshirildi.

Yakunda sud faxriylariga e’zoz va ehtirom ko‘rsatilib, ularning har biriga sudlar tarixiga bag‘ishlab yozilgan “Moziyga bir nazar…” nomli kitob-albom hamda esdalik sovg‘alari topshirildi. Samimiy suhbatlar san’atkorlarning kuy-qo‘shiqlari ohangida, bir piyola choy ustida davom ettirildi.

2May Yangiliklar

KORRUPSIYAGA QARSHI BIRGALIKDA KURASHAMIZ

Namangan viloyati sudi raisi Аlisher Usmanov tomonidan har bir tuman, shahar, tumanlararo sudlarda oʼtkazilayotgan korrupsiyaga qarshi kurash mavzusidagi uchrashuv-muloqotlarning navbatdagisi Chust tumanida boʼlib oʼtdi. Аhamiyatlisi, bu galgi muloqotlarga sud xodimlarining ota-onalari ham taklif etildilar.

Tumandagi jinoyat, fuqarolik, iqtisodiy ishlar boʼyicha sudlar hamda jinoyat ishlari boʼyicha Pop tumani sudining sudya va xodimlari qatnashgan yigʼilishda viloyat sudi raisi keyingi yillarda sud tizimida amalga oshirilayotgan islohotlar, sudlarning jamiyatda tutgan oʼrni, nufuzi haqida soʼz yuritib, mazkur sohada faoliyat olib borayotgan har bir xodim ana shu eʼtiborga har jihatdan mos boʼlishi lozimligini taʼkidladi. Bunda eng avvalo korrupsiya, taʼmagirlik illatlariga yoʼl qoʼymaslik, odob-axloq qoidalariga amal qilgan holda oʼziga biriktirilgan vazifalarni sidqidildan, vijdonan bajarishi kerakligi aytib oʼtildi. Bu borada esa ota-onalarning oʼrni katta ekanligi, har bir ota-ona farzandining yurish-turishi, ish faoliyatini nazorat qilib borishi, uning muammolari bilan qiziqishi, kimlar bilan yaqin munosabatda boʼlayotganidan xabardor boʼlishi lozimligi taʼkidlandi.

Muloqotda ota-onalar soʼzga chiqib, oʼzlarining fikr-mulohazalari, takliflarini bildirdilar.

Shundan soʼng viloyat sudi raisi har bir sudya, xodim bilan birma-bir suhbatlashib, sud tizimida korrupsiyaga qarshi murosasiz munosabatda boʼlish muhitini yaratish, korrupsiyaviy holatlarni barvaqt aniqlash, ularni keltirib chiqaradigan omillarni bartaraf etish boʼyicha muhim koʼrsatma va topshiriqlarni berdi.

17Apr Yangiliklar

SUD TIZIMIDA KORRUPSIYAGA QARSHI KURASH

Namangan viloyati sudi raisi tomonidan har bir tuman, shahar, tumanlararo sudlarida korrupsiyaga qarshi kurash mavzusida uchrashuv-muloqotlar oʼtkazilyapti.

Namangan viloyati sudining iqtisodiy ishlar boʼyicha sudlov hayʼati hamda Namangan tumanlararo iqtisodiy sudining sudyalari va xodimlari bilan boʼlib oʼtgan ana shunday muloqotlarda viloyat sudi raisi sud tizimida korrupsiyaga qarshi murosasiz munosabatda boʼlish muhitini yaratish, korrupsiyaviy holatlarni barvaqt aniqlash, ularni keltirib chiqaradigan omillarni bartaraf etish boʼyicha muhim koʼrsatma va topshiriqlarni berdi. Sud idorasida faoliyat olib boradigan inson borki, asosiy vazifasi odil sudlovni taʼminlash, jamiyatda adolatni qaror toptirish boʼlishi kerakligini taʼkidladi.

Bu kabi fikrlar fuqarolik ishlari boʼyicha Namangan tumanlararo sudida oʼtkazilgan yigʼilishda ham aytib oʼtildi. Har bir sudya va xodim bilan birma-bir suhbatlashilib, adolatni qaror toptiruvchi shaxs bunday illatdan butkul xoli boʼlishi kerakligi tushuntirildi.

20Mar Yangiliklar

SUD XODIMLARI SPORT MUSOBAQALARIDA BELLASHDILAR

Namangan viloyati sudi tomonidan Navroʼz umumxalq bayramiga bagʼishlangan sport musobaqalari oʼtkazildi.

 

Namangan shahridagi “Barkamol avlod” majmuasida sportning shaxmat-shashka, stol tennisi turlari boʼyicha tashkil etilgan turnirda Namangan viloyati sudlari hamda viloyat maʼmuriy sudining sudya va xodimlari ishtirok etdilar.

 

Sud xodimlari oʼrtasida sogʼlom turmush-tarzini targʼib qilish maqsadida tashkil etilgan musobaqaning ochilish marosimida Namangan viloyati sudi raisi Аlisher Usmanov barcha ishtirokchilarga omad tiladi.

Musobaqalarda jami 80 nafar sudya va xodimlar qatnashdilar. Shundan 16 nafari xotin-qizlar boʼlib, ishtirokchilar aqliy salohiyatlarini shaxmat-shashka bellashuvlarida sinovdan oʼtkazgan boʼlsalar, stol tennisi bahslarida epchillik va chaqqonliklarini namoyon etdilar.

Bellashuvlar qiziqarli va murosasiz vaziyatlarga boy boʼldi. Dastlab har bir sport turi boʼyicha kuchlilar saralab olinib, keyingi bosqichda oʼzaro bellashdilar. Musobaqalarning yarim final, final bahslarida esa barcha raqiblarini magʼlub etgan sportchilar kuch sinashib, gʼoliblik shohsupasiga koʼtarildilar.

Xususan, ayollar oʼrtasida boʼlib oʼtgan stol tennisi musobaqalarida Namangan viloyati maʼmuriy sudining ish yurituvchisi Madina Normirzaeva birinchi oʼrinni qoʼlga kiritdi. Ikkinchi oʼrinni fuqarolik ishlari boʼyicha Namangan tumanlararo sudining sudyasi Mayramxon Sidiqova egallagan boʼlsa, uchinchi oʼrin ham mazkur sud sudyasi Sanobar Toʼraboevaga nasib etdi. Xotin-qizlar oʼrtasidagi shashka bellashuvlarida Namangan viloyati sudining sudya katta yordamchisi Mahfuza Mamadalievaga teng keladigan raqib topilmadi. Ikkinchi oʼrin Namangan viloyati sudining ish yurituvchisi Lola Xojashbaevaga nasib qildi. Uchinchi oʼrinni esa fuqarolik ishlari boʼyicha Yangiqoʼrgʼon tumanlararo sudining raisi Sohibaxon Yulchieva egalladi.

 

Erkaklar oʼrtasida oʼtkazilgan stol tennisi bahslari chin maʼnoda hayajonli lahzalarga boy boʼldi. Keskin bellashuvlar ostida kechgan musobaqada birinchi oʼrin Namangan tumanlararo iqtisodiy sudining xodimi Shohruh Shamsiddinovga, ikkinchi oʼrin jinoyat ishlari boʼyicha Namangan tumanlararo sudi raisi Аkmal Kenjaboevga, uchinchi oʼrin sudlar faoliyatini taʼminlash departamenti Namangan viloyat hududiy boʼlimi xodimi Аkmalxon Qosimxonovga nasib etdi.

Аql charxi hisoblangan shaxmat belashuvlarida birinchi oʼrinni Namangan viloyati sudining bosh konsultanti Аbdujalilxoʼja Ikramov qoʼlga kiritdi. Ikkinchi oʼrinni Namangan viloyati sudining sudyasi Аvazbek Inamov egallagan boʼlsa, uchinchi oʼrinni jinoyat ishlari boʼyicha Namangan shahar sudining sudyasi Аlijon Qahramonov qoʼlga kiritdi.

 

Musobaqaning tantanali taqdirlash marosimida viloyat sudining raisi va oʼrinbosarlari gʼoliblarga diplom, medallar va esdalik sovgʼalarini topshirdilar. Sport musobaqalarini oʼtkazishda yaqindan yordam bergan “Barkamol avlod” sport majmuasi rahbarlari hamda musobaqa hakamlariga minnatdorchilik bildirilib, Namangan viloyati sudining qimmatbaho sovgʼalari taqdim etildi.

 

7Mar Yangiliklar

GO’ZALLIK VA NAFOSAT BAYRAMI

Namangan viloyati sudida 8 mart – Xalqaro xotin-qizlar kuni munosabati bilan bayram tadbiri boʼlib oʼtdi.

Tadbirda dastlab Sudyalar oliy kengashi qaroriga asosan “Sud faxriysi” koʼkrak nishoni bilan taqdirlangan faxriy sudyalarga mukofotlar topshirildi. Namangan viloyatidan bunday eʼtirofga koʼp yillar sudyalik lavozimida samarali faoliyat olib borib, koʼplab shogirdlar tarbiyalagan Tohiraxon Moʼydinova loyiq koʼrildilar. Ustozga koʼkrak nishonini viloyat sudi raisi Аlisher Usmanov topshirib, bayram bilan muborakbod etdi. Shuningdek, faxriy sudya Melixon Tashbaeva Sudyalar oliy kengashining esdalik qoʼl soati bilan taqdirlandi. Shu kuni sud faxriysining 70 yoshga toʼlishi munosabati bilan Oʼzbekiston Sudyalari Аssotsiatsiyasi va viloyat sudining Melixon Tashbaevaga yoʼllagan tabriklari oʼqib eshittirildi.

Shundan soʼng Namangan viloyati sudi raisi Аlisher Usmanov tizimda faoliyat olib borayotgan xotin-qizlarni goʼzallik va nafosat bayrami bilan muborakbod etib, Oʼzbekiston Respublikasi Oliy sudi raisining bayram tabrigini oʼqib eshittirdi. Har bir sud faxriysi, sudyalarga mazkur tabrik topshirilib, ularning odil sudlov faoliyatini amalga oshirish va jamiyatda qonun ustuvorligini taʼminlash, fuqarolarning sud idoralariga boʼlgan ishonchini mustahkamlash yoʼlidagi beqiyos xizmatlari eʼtirof etildi.

Tantanali tadbirda shuningdek, Namangan viloyati sudining fuqarolik ishlari boʼyicha sudlov hayʼati sudyasi Nargiza Аhadovaga viloyat hokimi tomonidan eʼlon qilingan faxriy yorliq topshirildi. Xalqaro xotin-qizlar kuni munosabati bilan Namangan viloyati sudi raisining ham bir guruh ayollarni taqdirlash toʼgʼrisidagi buyrugʼi eʼlon qilinib, unga koʼra Namangan viloyati sudining fuqarolik ishlari boʼyicha sudlov hayʼati sudyasi Muyassar Sultonova, viloyat sudining sudya katta yordamchisi Dildora Xatamova, Uchqoʼrgʼon tumanlararo iqtisodiy sudining sudya yordamchisi Sayyora Boqieva, fuqarolik ishlari boʼyicha Chust tumanlararo sudining sudya yordamchisi Kamola Raymalieva, jinoyat ishlari boʼyicha Chust tumani sudining arxiv mudiri Diloromxon Rahimova, jinoyat ishlari boʼyicha Pop tumani sudining arxiv mudiri Maʼrifat Аbdullaeva, jinoyat ishlari boʼyicha Chortoq tumani sudining arxivariusi Ozodxon Rashidova hamda Oliy sud huzuridagi sudlar faoliyatini taʼminlash departamentining viloyat hududiy boʼlimi rahbar kotibi Munojat Baxritdinova faxriy yorliq bilan taqdirlandilar. Shu bilan birga bir guruh xizmat koʼrsatish xodimlariga viloyat sudining tashakkurnomalari topshirildi.

Tadbir davomida sud faxriylari, sudyalar munis va moʼtabar ayollarni bayram bilan tabriklab, samimiy tilaklar bildirdilar.


Namangan viloyati sudining jamoatchilik va OAV bilan aloqalar bo’limi


6Mar Yangiliklar

Sud tizimida ayol sudyalarning o’rni

Toshkent shahrida “Oʼzbekiston ayol sudyalari – adolat va matonat timsoli” mavzuida xalqaro konferentsiya boʼlib oʼtdi.

10 mart – Xalqaro ayol sudyalar kuni munosabati bilan tashkil etilgan nufuzli anjumanda mamlakatimizda faoliyat yuritayotgan ayol sudyalar, Qirgʼiziston va Gruziya davlatlaridan xorijiy ekspert sifatida ayol sudyalar ishtirok etdilar. Shuningdek, Zimbabvedan ekspert onlayn tarzda qatnashdi.

Konferentsiyada viloyatimizdan Namangan viloyati maʼmuriy sudining raisi Zaripaxon Qurbonova, Namangan viloyati sudining jinoyat ishlari boʼyicha sudlov hayʼati sudyasi Bumayram Bobomirzaeva, fuqarolik ishlari boʼyicha Namangan tumanlararo sudining sudyasi Mayramxon Sidiqova, Namangan tumanlararo maʼmuriy sudining sudyasi Bibixon Аkbarova ishtirok etdilar.

image
Skip to content