Қонун ва суд олдидаги

Қонун ва суд олдидаги
тенглик

Ўзбекистон Республикасининг барча фуқаролари жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий мавқеидан қатъи назар, қонун ва суд олдида тенгдир. Корхоналар, муассасалар ва ташкилотлар ҳам қонун ва суд олдида тенгдир.

Суд ҳужжатларининг

Суд ҳужжатларининг
мажбурийлиги

Суд ҳужжатлари барча давлат органлари, жамоат бирлашмалари, корхоналар, муассасалар ва ташкилотлар, мансабдор шахслар, фуқаролар учун мажбурийдир ҳамда Ўзбекистон Республикасининг бутун ҳудудида ижро этилиши шарт.

Суд ҳокимиятининг

Суд ҳокимиятининг
мустақиллиги

Судьялар мустақилдирлар, фақат қонунга бўйсунадилар. Судьяларнинг одил судловни амалга ошириш борасидаги фаолиятига бирон-бир тарзда аралашишга йўл қўйилмайди ва бундай аралашув қонунга мувофиқ жавобгарликка сабаб бўлади. Ўзбекистон Республикасида суд ҳокимияти қонун чиқарувчи ва ижро этувчи ҳокимиятлардан, сиёсий партиялардан, бошқа жамоат бирлашмаларидан мустақил ҳолда иш юритади.

Электрон почта манзил:

j.namangan@sud.uz

Фуқаролар қабулхонаси:

(+998 69) 227-81-10

Манзил:

Наманган шаҳар, Н.Намангоний кўча, 10 уй

Интерактив хизматлар

Статистик маълумотлар

Статистик маълумотлар

Ўзбекистон Республикаси Олий Судининг республика судлари фаолиятига доир статистик маълумотлар базаси

Ўтиш
Cуд қарорлари тўплами

Cуд қарорлари тўплами

Судлар бўйича барча якуний суд қарорларини тўлиқ ёки шахссизлантирилган матнда ушбу ҳавола орқали билиб олинг.

Ўтиш
Давлат божи калькулятори

Давлат божи калькулятори

Бу хизмат тури судларга мурожаат қилишда тўланиши лозим бўлган давлат божи миқдорини аниқлашда яқиндан ёрдам беради.

Ўтиш
image
image
image
image
image
image

Электрон суд хизматлари

MY.SUD.UZ - суд хизматларидан фойдаланишнинг инновацион, ишончли ва қулай йўли

Мурожаат

Судга тўғридан - тўғри электрон шаклда мурожаат йўллаш.

Электрон тўлов тизими

Барча судларда фуқаролар томонидан амалга ошириладиган барча тўловларни тўлашнинг ягона электрон тизими.

Видеоконференц алоқа

Масофадан туриб суд мажлисида иштрок етиш

Мажлислар жадвали

Суд мажлислари жадвали билан танишиш – судларда ишларни суд мажлисида кўриб чиқишга тайинланган санаси ва вақти ҳақида онлайн тарзда хабардор бўлиб бориш имконини беради.

Давлат божи калькулятори

Бу хизмат тури судларга мурожаат қилишда тўланиши лозим бўлган давлат божи миқдорини аниқлашда яқиндан ёрдам беради.

Мурожаат намуналари

Фуқаролар судларга мурожаат қилишда ҳужжатларнинг тайёр намуналаридан мутлақо бепул фойдаланиш имконияти

image

MY.SUD.UZ

Ўзбекистон Республикаси Олий судининг интерактив хизматлари портали

ўтиш

Сўнгги янгиликлар

8May Янгиликлар

ФАХРИЙЛАРГА ЭҲТИРОМ

Юртимизда қай бир соҳада бўлмасин фахрийларни эъзозлаш, уларга эҳтиром кўрсатиш эзгу қадриятга айланган. 9 май – Хотира ва қадрлаш куни арафасида мазкур анъана янада кенг қулоч ёзади. Сана муносабати билан Наманган вилояти суди томонидан ўтказилган маънавий-маърифий тадбир ҳам узоқ йиллар элу юртга хизмат қилган нуронийлар ва суд фахрийларини бирлаштирди.

Чортоқ туманидаги сўлим масканда бўлиб ўтган тадбирда “Нуроний” жамғармаси вилоят кенгаши раиси, сенатор Икромхон Нажмиддинов, меҳнат фахрийси Ботирали Ҳакимов, суд фахрийлари ва судьялар иштирок этдилар. Меҳмонлар дастлаб “Короскон тарихий музейи”ни айланиб, бу ердаги тарихий экспонатлар, ўтмишдан сўзловчи осори-атиқалар, кўҳна китоблар билан танишдилар. Тадбирнинг асосий қисмини Наманган вилояти суди раиси Алишер Усманов очиб, барча фахрийларни 9 май – Хотира ва қадрлаш куни билан муборакбод этди. Шу ерда байрамга муносиб туҳфа сифатида Наманган вилоятида судлар тарихига бағишлаб ёзилган “Мозийга бир назар…” номли китоб-альбом тақдимоти ҳам ўтказилди. Вилоят суди раиси мазкур китоб ҳақида гапириб, унда келтирилган тарихий манбалар ва шахсларнинг суд тизимидаги ўрни ва аҳамиятига алоҳида тўхталди.

Тадбирда сўз олган фахрийлар кейинги йилларда мамлакатимизда суд идоралари ҳамда судьяларга қаратилаётган эътибор хусусида гапириб, мазкур жараёнларда айниқса, тизимда кўп йиллар меҳнат қилган фахрийларни қўллаб-қувватлаш борасида ижобий ишлар олиб борилаётганини таъкидладилар. Ушбу фикрлар тасдиғини одил судловни амалга оширишда узоқ йиллар самарали меҳнат қилган судьялар учун “Суд фахрийси” кўкрак нишони жорий этилганида ҳам кўриш мумкин. Хотира ва қадрлаш куни байрами арафасида ана шундай соҳа фидойилари Маҳмуджон Қурбонов ҳамда Файзулла Жалилов “Суд фахрийси” кўкрак нишони билан тақдирландилар. Тақдирлаш маросими Чортоқ туманида ўтказилишининг ҳам ўзига хос рамзий маъноси бор. Зеро, бундан 43 йил муқаддам Маҳмуджон Қурбонов айнан шу туман судида фаолият олиб бориб, одил судловни таъминлашга ўз ҳиссасини қўшган. Шу боис ҳам суд фахрийсига кўкрак нишонини ўша вақтда туман раҳбари бўлган Ботирали Ҳакимов топширди.

Тантанали тадбирда шунингдек, узоқ йиллар суд тизимида самарали фаолият олиб бориб, кўплаб шогирдлар тарбиялаган, айни кунларда қутлуғ 50 ёшни қарши олган жиноят ишлари бўйича Чуст тумани судининг архив мудири Дилоромхон Раҳимовага Олий суд раисининг фахрий ёрлиғи ҳамда вилоят суди раисининг табрикномалари топширилди.

Якунда суд фахрийларига эъзоз ва эҳтиром кўрсатилиб, уларнинг ҳар бирига судлар тарихига бағишлаб ёзилган “Мозийга бир назар…” номли китоб-альбом ҳамда эсдалик совғалари топширилди. Самимий суҳбатлар санъаткорларнинг куй-қўшиқлари оҳангида, бир пиёла чой устида давом эттирилди.

2May Янгиликлар

КОРРУПЦИЯГА ҚАРШИ БИРГАЛИКДА КУРАШАМИЗ

Наманган вилояти суди раиси Алишер Усманов томонидан ҳар бир туман, шаҳар, туманлараро судларда ўтказилаётган коррупцияга қарши кураш мавзусидаги учрашув-мулоқотларнинг навбатдагиси Чуст туманида бўлиб ўтди. Аҳамиятлиси, бу галги мулоқотларга суд ходимларининг ота-оналари ҳам таклиф этилдилар.

Тумандаги жиноят, фуқаролик, иқтисодий ишлар бўйича судлар ҳамда жиноят ишлари бўйича Поп тумани судининг судья ва ходимлари қатнашган йиғилишда вилоят суди раиси кейинги йилларда суд тизимида амалга оширилаётган ислоҳотлар, судларнинг жамиятда тутган ўрни, нуфузи ҳақида сўз юритиб, мазкур соҳада фаолият олиб бораётган ҳар бир ходим ана шу эътиборга ҳар жиҳатдан мос бўлиши лозимлигини таъкидлади. Бунда энг аввало коррупция, таъмагирлик иллатларига йўл қўймаслик, одоб-ахлоқ қоидаларига амал қилган ҳолда ўзига бириктирилган вазифаларни сидқидилдан, виждонан бажариши кераклиги айтиб ўтилди. Бу борада эса ота-оналарнинг ўрни катта эканлиги, ҳар бир ота-она фарзандининг юриш-туриши, иш фаолиятини назорат қилиб бориши, унинг муаммолари билан қизиқиши, кимлар билан яқин муносабатда бўлаётганидан хабардор бўлиши лозимлиги таъкидланди.

Мулоқотда ота-оналар сўзга чиқиб, ўзларининг фикр-мулоҳазалари, таклифларини билдирдилар.

Шундан сўнг вилоят суди раиси ҳар бир судья, ходим билан бирма-бир суҳбатлашиб, суд тизимида коррупцияга қарши муросасиз муносабатда бўлиш муҳитини яратиш, коррупциявий ҳолатларни барвақт аниқлаш, уларни келтириб чиқарадиган омилларни бартараф этиш бўйича муҳим кўрсатма ва топшириқларни берди.

19Apr Янгиликлар

НАМАНГАН ВИЛОЯТИ СУДИ РАИСИ ЁШЛАР БИЛАН УЧРАШДИ

Таълим муассасасида билим олаётган ўқувчи-ёшлар билан турли соҳа вакиллари, раҳбарлар иштирокида учрашувлар ўтказиш ёшларнинг эртанги ҳаётида, маълум бир касб танлашида муҳим омил ҳисобланади. Айни жиҳатдан, Ўзбекистон Республикаси Ички ишлар вазирлигининг Наманган академик лицейи ўқувчилари билан ўтказилган “Судья ва ёшлар” учрашуви ҳам эртанги фаолиятини ҳуқуқни муҳофаза қилувчи идоралар, давлат ташкилотлари билан боғлаш ниятидаги кўплаб йигит-қизларга ўзига хос мотивация бўлди.

Наманган вилояти суди раиси Алишер Усманов иштирокида бўлиб ўтган учрашувда дастлаб суд-ҳуқуқ соҳасидаги ислоҳотлар, мамлакатимизда одил судловни таъминлаш борасида амалга оширилаётган ишлар, мазкур жараёнларда судларнинг ўрни, суд идораларининг асосий вазифалари ҳақида сўз юритилди.

Очиқ мулоқот, самимий суҳбат тарзида давом этган учрашувда вилоят суди раиси ўқувчилик ва талабалик йилларини эсга олиб, Янги Ўзбекистон ёшларига яратиб берилаётган бугунги шароитларни эътироф этди. Судьялик касбининг адолатни, инсон ҳуқуқ ва манфаатларини таъминлашдаги аҳамияти, келгусида мазкур тизимда фаолият олиб боришни истаган ёшлар мустаҳкам билим олишга интилиши, ўз устида ишлаши зарурлигини таъкидлади.

Ўзбекистон Республикаси Ички ишлар вазирлигининг Наманган академик лицейида бугунги кунда жами 360 нафар ўқувчи таълим олмоқда. Албатта улар орасида суд-ҳуқуқ соҳасига қизиқувчилар кўпчиликни ташкил этади. Айни жиҳатдан, юзма-юз мулоқотда ўқувчилар ўзларини қизиқтирган саволлар билан вилоят суди раисига мурожаат қилдилар. Йигит-қизларнинг саволларига ҳаётий мисоллар, амалиётда учрайдиган воқеа-ходисалар билан жавоб қайтарилгани бўлажак ҳуқуқшуносларни суд тизимига, судьяликка бўлган қизиқишини оширди.


Жонли мулоқотларга бой ўтган учрашув якунида вилоят суди раиси томонидан таълим муассасасининг фаол ўқитувчи ва ўқувчиларига фахрий ёрлиқ ва китоблар топширилди.

Баҳодир Мўминов,

Наманган вилояти судининг ахборот хизмати раҳбари

17Apr Янгиликлар

СУД ТИЗИМИДА КОРРУПЦИЯГА ҚАРШИ КУРАШ

Наманган вилояти суди раиси томонидан ҳар бир туман, шаҳар, туманлараро судларида коррупцияга қарши кураш мавзусида учрашув-мулоқотлар ўтказиляпти.

Наманган вилояти судининг иқтисодий ишлар бўйича судлов ҳайъати ҳамда Наманган туманлараро иқтисодий судининг судьялари ва ходимлари билан бўлиб ўтган ана шундай мулоқотларда вилоят суди раиси суд тизимида коррупцияга қарши муросасиз муносабатда бўлиш муҳитини яратиш, коррупциявий ҳолатларни барвақт аниқлаш, уларни келтириб чиқарадиган омилларни бартараф этиш бўйича муҳим кўрсатма ва топшириқларни берди. Суд идорасида фаолият олиб борадиган инсон борки, асосий вазифаси одил судловни таъминлаш, жамиятда адолатни қарор топтириш бўлиши кераклигини таъкидлади.

Бу каби фикрлар фуқаролик ишлари бўйича Наманган туманлараро судида ўтказилган йиғилишда ҳам айтиб ўтилди. Ҳар бир судья ва ходим билан бирма-бир суҳбатлашилиб, адолатни қарор топтирувчи шахс бундай иллатдан буткул холи бўлиши кераклиги тушунтирилди.

9Apr Янгиликлар

СУД ТИЗИМИ ХОДИМЛАРИ КЎКАЛАМЗОРЛАШТИРИШ ТАДБИРЛАРИДА ИШТИРОК ЭТДИЛАР

Республикамиз миқёсида ўтказилаётган «Яшил макон» умуммиллий лойиҳасининг баҳорги дарахт экиш акциясида Наманган вилояти судлари жамоаси ҳам фаол иштирок этмоқдалар.

Хусусан, фуқаролик ишлари бўйича Чуст туманлараро суди судьялари ва ходимлари акция доирасида «Ўзбекистон темир йуллари» акциядорлик жамиятининг Чуст станциясида бўлиб, ҳудудга 25 туп арча дарахти ўтқаздилар.

Шунингдек, суд биноси ҳовлисига турфа хил гуллар экилиб, атроф-муҳит ободлигига ўз ҳиссаларини қўшдилар.

image
Skip to content