САЙЁР ҚАБУЛЛАР ДАВОМ ЭТМОҚДА
Наманган шаҳридаги «Равнақ» маҳалласида навбатдаги оммавий сайёр қабуллар бўлиб ўтди.
Суд, ҳуқуқни муҳофаза қилувчи органлар раҳбарлари иштирокида ўтказилган қабулларда вилоят суди раиси Алишер Усманов фуқароларнинг жиноят, фуқаролик, иқтисодий судларга доир 25 та мурожаатларини ўрганди. Вилоят маъмурий суди раиси Зарипахон Қурбонова маъмурий судлар билан боғлиқ 3 та мурожаатни тинглади. Мазкур мурожаатларнинг 7 таси шу ернинг ўзида ижобий ҳал этилган бўлса, қолганларига ҳуқуқий тушунтиришлар берилди.
Сайёр қабул доирасида бўлиб ўтган жиноят ишлари бўйича Наманган шаҳар судининг сайёр суд мажлисида Пробация гуруҳи ҳисобидаги 3 нафар шахс муддатидан олдин шартли равишда озод қилинди.