SUD XODIMLARI DIKTANT YOZDI
O‘zbek tiliga davlat tili maqomi berilganining 35 yilligi hamda 21 oktabr – O‘zbek tili bayrami kuni munosabati bilan Namangan viloyati sudi tomonidan ommaviy diktant yozish tadbiri o‘tkazildi.
Namangan yuridik texnikumida bo‘lib o‘tgan diktant yozish jarayonlarida viloyat sudi va viloyat ma’muriy sudining sud apparati xodimlari, sudya yordamchilari qatnashdilar.
Dastlab filologlar tomonidan tilimizning davlat tili sifatidagi nufuzi va mavqeini oshirish bo‘yicha amalga oshirilayotgan ishlar haqida so‘z yuritildi. «Til – millat ko‘zgusi» mavzusida yozilgan diktant ishida ham ayni fikrlar aks ettirilib, o‘zbek tilining davlat va jamiyat hayotida tutgan o‘rni, ahamiyati ochib berildi.
Yakunda sud tizimi xodimlari tomonidan yozilgan diktantlar tekshirilib, munosib baholandi.