OBODLIK KO’NGILDAN BOSHLANADI

Namangan viloyati sudida Navro‘z umumxalq bayrami oldidan obodonlashtirish va ko‘kalamzorlashtirish tadbirlari o‘tkazildi.

Erta tongdan sudya va tizim xodimlari viloyat sudi hovlisi va atrofini saranjom-sarishta holatga keltirdilar. Daraxtlar oqlanib, shakl berildi. Manzarali daraxt va gul ko‘chatlari ekildi. Atrof-muhit turli chiqindilardan tozalanib, obodonlashtirildi.

Bu kabi obodlik tadbirlari barcha sudlov hay’atlari hamda shahar va tuman sudlarida ham uyushqoqlik bilan o‘tkazildi.