QADRIYATLARING BOQIY BO’LSIN, NAVRO’Z!
Namangan viloyati sudida Navro‘z umumxalq bayrami munosabati bilan tadbir o‘tkazildi.
Sudyalar va tizim xodimlari, ota-onalar ishtirok etgan tadbirda Namangan viloyati sudi raisi Alisher Usmanov barchani yasharish va yangilanish ayyomi bilan tabriklab, ezgu tilaklar bildirdi.
Shundan so‘ng bir guruh sudya va xodimlar, ularning ota-onalariga viloyat sudi raisining faxriy yorliq, tashakkurnoma va esdalik sovg‘alari topshirildi.
Viloyat sudi tomonidan Navro‘z umumxalq bayramiga bag‘ishlab sportning shaxmat va shashka turlari bo‘yicha musobaqalar o‘tkazilgan edi. Bayram tadbirida mazkur bellashuvlarda g‘olib bo‘lgan sudya va sud xodimlari diplom va medallar bilan taqdirlandi.
Tadbirda shuningdek, navbatdagi mansab darajalari berilgan sud xodimlari e’lon qilinib, muborakbod etildi.