SUDLAR FAOLIYATI SARHISOB QILINDI
Namangan viloyati sudlari tomonidan 2024-yilda odil sudlovni ta’minlash borasida qanday ishlar amalga oshirildi? Sud majlislarini yoritishda qanday tartiblar bor? Mahalliy davlat hokimiyati organlarining qarorlarini haqiqiy emas deb topishga qaysi sud vakolatli?
Namangan viloyati sudida bo‘lib o‘tgan viloyat sudlarining 2024-yildagi faoliyat yakunlariga bag‘ishlangan matbuot anjumanida ishtirokchilar shu kabi savollarga batafsil javob oldilar.
Ommaviy axborot vositalari vakillari, axborot xizmatlari rahbarlari, jurnalist va blogerlar ishtirok etgan anjumanda dastlab Namangan viloyati sudi hamda viloyat ma’muriy sudi raislari tomonidan sud-huquq sohasidagi islohotlar, qonunchilikdagi yangiliklar, 2024-yil davomida ko‘rilgan jinoyat, fuqarolik, iqtisodiy hamda ma’muriy ishlar, jismoniy va yuridik shaxslardan kelib tushgan murojaatlarning tahlili, huquqiy targ‘ibot ishlari hamda sohaga oid boshqa ma’lumotlar haqida axborotlar ochiqlandi.
Tadbirda ommaviy axborot vositalari vakillari fuqarolarning huquq va manfaatlarini muhofaza qilish, odil sudlovni ta’minlash, qonuniylik va adolat barqarorligiga erishish borasida o‘zlarini qiziqtirgan savollar bilan murojaat qildilar. Ularning savol, taklif, fikr-mulohazalariga sud raislari va sudyalar batafsil javoblar berishdi.
Jarayon aniq dalillar, faoliyatga oid tahliliy ma’lumotlar, odillik va shaffoflikni ta’minlashda e’tibor qaratilayotgan jihatlarga oid masalalar bilan qizg‘in o‘tdi.
Namangan viloyati sudining
jamoatchilik va OAV bilan aloqalar bo‘limi